Fyrri mynd
Nsta mynd
Ok
Velkomin heimasu Sguflags Skagfiringa. Vi notum vefkkur (e. cookies) til ess a bta upplifun na og greina umfer um suna.
Me v a nota vefsuna samykkir notkun vefkkum og skilmla okkar.
Open Menu Close Menu
 
Viburir vikunnar - 14. desember 2011 - 22:01

Viðburður vikunnar Sjóslysin 1935

14. desember 1935

Hinn 14. desember 1935 fórust tveir bátar frá Sauðárkróki í voðaveðri sem skall á síðdegis þann dag. Þetta voru Njörður, 3-4 tonna vélbátur með þremur mönnum, og Aldan, fjögurra tonna vélbátur, með fjórum mönnum. Þessir bátar fóru norður á svonefnt Skerjagrunnshorn, vestur af Málmey. Af Nirði fannst aldrei neitt en Aldan steytti á Hólmataglinu norður af Elínarhólmanum við Kolkuós. Þar fannst stýrið en bátsflakið sjálft rak inn á Brimnesvík og fannst þar bundið í koju lík Ásgríms Guðmundssonar frá Fagranesi, eins skipverjans, handleggsbrotið. Lík hinna skipverjanna fundust rekin í fjörunni inn frá Kolkuósi, utan við Þjófadalalækinn. Lóðarbelgi rak í Óslandskrók.

Mælt er að Hafsteinn Björnsson miðill sem þá var á Króknum hafi skynjað atburðinn og sagt fólki að bátur væri að farast á Óslandskrók.

Daginn eftir veðrið var hringt í Kolkuós og Sigurmon beðinn að svipast um. Hann fór þá upp á bakkann en sá ekkert athugavert og fór ekki niður í fjöruna. Hafði borist mikill þari upp á ströndina í veðurofsanum og brimið m.a. gengið upp á bakkann vestan við sláturhúsið. Bergvin Jóhannsson frá Hofsósi var þá vinnumaður í Kolkuósi og fór fjöruleið til fjárhúsanna við Þjófadalina eins og stundum var gert þegar snjór var mikill. Hann fann þá lík í fjörunni, sneri heim og gerði aðvart. Fóru þeir Sigurmon þá aftur með börur og fundu tvö önnur til viðbótar og báru þau út í Kolkuós þar sem þau voru lögð til í sláturhúsinu.    Sögn er að nóttina eftir slysið hafi Sigmar Sigtryggsson húsmann í Brimnesi dreymt að Ásgrímur Guðmundsson kæmi til hans og segði: ,,Komdu mér út í Kolkuós til hinna.” Fór Sigmar þá út og niður að sjó og fann bátsflakið. Kom hann síðan með lík Ásgríms á hestasleða út í Kolkuós þangað sem bátur kom frá Sauðárkróki með pramma í eftirdragi og sótti líkin.

Minningarathöfn fór fram í Sauðárkrókskirkju 28. desember um þá sem týndust með Nirði og jarðarför þriggja sem fórust af Öldunni. Sá fjórði var jarðsettur á Hofi á Höfðaströnd.

Heimild: Byggðasaga Skagafjarðar, V. bindi. Ritstjóri og aðalhöfundur: Hjalti Pálsson frá Hofi. Sögufélag Skagfirðinga. 2010. Saga Sauðárkróks III. HÖfundur: Kristmundur Bjarnason. Sauðárkrókskaupstaður. 1973.

Ný Skagfirðingabók komin út

Ný Skagfirðingabók hefur nú komið út. Er hún númer 39 í röðinni, en fyrsta bókin kom út árið 1966. Að vanda geymir bókin fjölbreytt efni um skagfirska sögu. Aðalgrein bókarinnar er um Símon Dalaskáld og Margréti Sigurðardóttur, konu hans.
:: meira
Skál. Kristmundur Bjarnason 100 ára. Ljósm. Ásta Karen Jónsdóttir.
Skál. Kristmundur Bjarnason 100 ára. Ljósm. Ásta Karen Jónsdóttir.

Kristmundur Bjarnason 100 ára

Vel mætt í útgáfuhóf til heiðurs Kristmundar á Sjávarborg

Kristmundur Bjarnason 100 ára Héraðsfréttablaðið Feykir birti frásögn af útgáfuhófi vegna bókar Kristmundar Bjarnasonar fræðimanns á Sjávarborg og heiðursfélaga Sögufélags Skagfirðinga en hann er nú 100 ára og var útgáfuhófið haldið þann 12 janúar s.l. Er hér birt grein Páls Friðrikssonar ritstjóra. Athygli er vakin á því að hægt er að kaupa bók Kristmundar hjá forlaginu með því að senda tölvubréf á saga@skagafjordur.is. Verð bókarinnar er 5900 krónur með sendingarkostnaði. Einnig er hægt að kaupa bókina í bókabúðum.
:: meira
Kápa bókar Kristmundar Bjarnasonar: Í barnsminni
Kápa bókar Kristmundar Bjarnasonar: Í barnsminni

Útgáfuhóf í Safnahúsi Skagfirðinga

Þann 10. janúar 2019 eru 100 ár liðin frá fæðingu Kristmundar Bjarnasonar rithöfundar og fræðimanns á Sjávarborg. Hann dvelur nú, og hefur gert síðustu árin, á Dvalarheimilinu á Sauðárkróki. Kristmundur er heiðursfélagi Sögufélags Skagfirðinga og í tilefni þessara tímamóta gefur félagið úr bernskuminningar hans frá Mælifelli, þar sem hann ólst upp.
:: meira

Jólakveðjur

Sögufélag Skagfirðinga sendir félagsmönnum sínum og velunnurum óskir um gleðilega jólahátíð og farsæld á nýju ári. Með þökkum fyrir liðin ár.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga fyrir árið 2017 var haldinn í Safnahúsinu á Sauðárkróki 22. október s.l. Bókhaldari félagsins, Kári Sveinsson. Las reikninga og skýrði þá. Þar kom fram að rúmlega 1.250.000 króna tap hefði orðið á rekstrinum sem skýrðist fyrst og fremst af því að á árinu kom engin bók út á vegum félagsins.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga verður haldinn í Safnahúsinu á Sauðárkróki mánudaginn 22. október kl 16.30.
:: meira