Fyrri mynd
Nsta mynd
Ok
Velkomin heimasu Sguflags Skagfiringa. Vi notum vefkkur (e. cookies) til ess a bta upplifun na og greina umfer um suna.
Me v a nota vefsuna samykkir notkun vefkkum og skilmla okkar.
Open Menu Close Menu
 
Stjórn Sögufélags Skagfirðinga 2016 ásamt bókhaldara sínum: f.v. Sigfús Ingi Sigfússon, Sigríður Þorgrímsdóttir, Kári Sveinsson, Hjalti Pálsson, Sigríður Sigurðardóttir. Á myndina vantar fimmta stjórnarmanninn Unnar Ingvarsson.
Stjórn Sögufélags Skagfirðinga 2016 ásamt bókhaldara sínum: f.v. Sigfús Ingi Sigfússon, Sigríður Þorgrímsdóttir, Kári Sveinsson, Hjalti Pálsson, Sigríður Sigurðardóttir. Á myndina vantar fimmta stjórnarmanninn Unnar Ingvarsson.
Frttir - 29. nóvember 2016 - 13:58

Aðalfundur Sögufélags Skagfirðinga 2015

Aðalfundur Sögufélags Skagfirðinga fyrir árið 2015 var haldinn í Safnahúsinu á Sauðárkróki sunnudaginn 20. nóvember 2016. Í máli Hjalta Pálssonar formanns kom fram að hagnaður hefði orðið á bókaútgáfu félagsins á árinu 2015, bæði á Skagfirðingabók og bók Sölva Sveinssonar, Dagar handan við dægrin. Bókhaldari félagsins, Kári Sveinsson, las reikninga og skýrði þá. Kom þar fram að afkoma félagsins hefði verið góð á árinu og hagnaður orðið um 950 þúsund krónur.

Skráðir félagar eru nú um 760 talsins. Jafnan falla út um 10-20 félagsmenn á ári hverju en reynt er að halda í horfinu með söfnun nýrra félaga því öflugur félagsmannahópur er grundvöllur þess að hægt sé að halda úti bókaútgáfu félagsins sem er fyrst og fremst Skagfirðingabók, Skagfirskar æviskrár og nokkrar aðrar tilfallandi bækur. Þar að auki gefur félagið úr Byggðasögu Skagafjarðar.

Stjórn Sögufélags Skagfirðinga skipa nú: Hjalti Pálsson formaður, Sigfús Ingi Sigfússon, Sigríður Sigurðardóttir, Sigríður Þorgrímsdóttir og Unnar Ingvarsson.

Ný Skagfirðingabók komin út

Ný Skagfirðingabók hefur nú komið út. Er hún númer 39 í röðinni, en fyrsta bókin kom út árið 1966. Að vanda geymir bókin fjölbreytt efni um skagfirska sögu. Aðalgrein bókarinnar er um Símon Dalaskáld og Margréti Sigurðardóttur, konu hans.
:: meira
Skál. Kristmundur Bjarnason 100 ára. Ljósm. Ásta Karen Jónsdóttir.
Skál. Kristmundur Bjarnason 100 ára. Ljósm. Ásta Karen Jónsdóttir.

Kristmundur Bjarnason 100 ára

Vel mætt í útgáfuhóf til heiðurs Kristmundar á Sjávarborg

Kristmundur Bjarnason 100 ára Héraðsfréttablaðið Feykir birti frásögn af útgáfuhófi vegna bókar Kristmundar Bjarnasonar fræðimanns á Sjávarborg og heiðursfélaga Sögufélags Skagfirðinga en hann er nú 100 ára og var útgáfuhófið haldið þann 12 janúar s.l. Er hér birt grein Páls Friðrikssonar ritstjóra. Athygli er vakin á því að hægt er að kaupa bók Kristmundar hjá forlaginu með því að senda tölvubréf á saga@skagafjordur.is. Verð bókarinnar er 5900 krónur með sendingarkostnaði. Einnig er hægt að kaupa bókina í bókabúðum.
:: meira
Kápa bókar Kristmundar Bjarnasonar: Í barnsminni
Kápa bókar Kristmundar Bjarnasonar: Í barnsminni

Útgáfuhóf í Safnahúsi Skagfirðinga

Þann 10. janúar 2019 eru 100 ár liðin frá fæðingu Kristmundar Bjarnasonar rithöfundar og fræðimanns á Sjávarborg. Hann dvelur nú, og hefur gert síðustu árin, á Dvalarheimilinu á Sauðárkróki. Kristmundur er heiðursfélagi Sögufélags Skagfirðinga og í tilefni þessara tímamóta gefur félagið úr bernskuminningar hans frá Mælifelli, þar sem hann ólst upp.
:: meira

Jólakveðjur

Sögufélag Skagfirðinga sendir félagsmönnum sínum og velunnurum óskir um gleðilega jólahátíð og farsæld á nýju ári. Með þökkum fyrir liðin ár.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga fyrir árið 2017 var haldinn í Safnahúsinu á Sauðárkróki 22. október s.l. Bókhaldari félagsins, Kári Sveinsson. Las reikninga og skýrði þá. Þar kom fram að rúmlega 1.250.000 króna tap hefði orðið á rekstrinum sem skýrðist fyrst og fremst af því að á árinu kom engin bók út á vegum félagsins.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga verður haldinn í Safnahúsinu á Sauðárkróki mánudaginn 22. október kl 16.30.
:: meira