Fyrri mynd
Nsta mynd
Ok
Velkomin heimasu Sguflags Skagfiringa. Vi notum vefkkur (e. cookies) til ess a bta upplifun na og greina umfer um suna.
Me v a nota vefsuna samykkir notkun vefkkum og skilmla okkar.
Open Menu Close Menu
 
Umhverfi hins ónefnda fornbæjar við strönd Flókadalsvatns. Tóftir skálans eru á þúfnahólnum næst á mynd, mjög ógreinilegar.
Umhverfi hins ónefnda fornbæjar við strönd Flókadalsvatns. Tóftir skálans eru á þúfnahólnum næst á mynd, mjög ógreinilegar.
Tölvumynd af fornbýli við Flókadalsvatn
Tölvumynd af fornbýli við Flókadalsvatn
Frttir - 13. ágúst 2017 - 14:00

Fornbýli við strönd Flókadalsvatns

Vinna við áttunda bindi Byggðasögu Skagafjarðar er nú vel á veg komin og stefnir að útkomu í byrjun nóvember 2017. Það fjallar um Fellshrepp og Haganeshrepp og verður rúmar 500 blaðsíður að stærð. Margt nýtt er þar dregið fram í dagsljósið, m.a. tilvist fornbýla sem lítt eða ekki var áður kunnugt um. Í júlímánuði s.l. var uppgötvað fornbýli í landi Barðs í Fljótum vestan í Akraásnum sunnarlega, við strönd Flókadalsvatnsins. Byggðasöguritari skoðaði þar þúfur og taldi sig sjá merki um fornan skála, e.t.v. frá landnámsöld, ásamt fleiri kofatóftum. Þessi fundur var rannsakaður nánar með fornleifaathugum þann 17. júlí 2017. Staðfesting fékkst þá á skála, um 21x7-8 m að utanmáli, rétt við gamlar og skýrar götur sem vitna um fyrrum alfaraleið meðfram vatninu til Reykjabæjanna og áfram inn í Flókadalinn. Greinileg merki voru um mannvist í tóftinni, gólflag og viðarkolaleifar víða. Hvergi fundust öskulög í eða við skálatóftina, nema í aðfluttu torfi í veggjum einhverrar byggingar sem virtist áföst norðan við sjálfan skálann. Þar fannst öskulagið frá 1104 í veggjatorfi sem sýnir að hún hafði verið hlaðin eftir 1104. Að öðru leyti tókst ekki að aldursgreina tóftina en ljóst að hún er mjög gömul. Útgangsdyr eru til vesturs og þar framan við brött brekka niður að vatninu. Tóftir smáhýsa voru á a.m.k. þremur stöðum skammt frá. Lækjarsytra finnst enn í gildragi um 40 m norðan við tóftina. Engar heimildir eru um bæ á þessum stað og þar af leiðandi ekkert nafn við að styðjast. En ljóst er að þarna hefur verið mannabústaður um eitthvert skeið, en trúlega ekki mjög lengi.

Ný Skagfirðingabók komin út

Ný Skagfirðingabók hefur nú komið út. Er hún númer 39 í röðinni, en fyrsta bókin kom út árið 1966. Að vanda geymir bókin fjölbreytt efni um skagfirska sögu. Aðalgrein bókarinnar er um Símon Dalaskáld og Margréti Sigurðardóttur, konu hans.
:: meira
Skál. Kristmundur Bjarnason 100 ára. Ljósm. Ásta Karen Jónsdóttir.
Skál. Kristmundur Bjarnason 100 ára. Ljósm. Ásta Karen Jónsdóttir.

Kristmundur Bjarnason 100 ára

Vel mætt í útgáfuhóf til heiðurs Kristmundar á Sjávarborg

Kristmundur Bjarnason 100 ára Héraðsfréttablaðið Feykir birti frásögn af útgáfuhófi vegna bókar Kristmundar Bjarnasonar fræðimanns á Sjávarborg og heiðursfélaga Sögufélags Skagfirðinga en hann er nú 100 ára og var útgáfuhófið haldið þann 12 janúar s.l. Er hér birt grein Páls Friðrikssonar ritstjóra. Athygli er vakin á því að hægt er að kaupa bók Kristmundar hjá forlaginu með því að senda tölvubréf á saga@skagafjordur.is. Verð bókarinnar er 5900 krónur með sendingarkostnaði. Einnig er hægt að kaupa bókina í bókabúðum.
:: meira
Kápa bókar Kristmundar Bjarnasonar: Í barnsminni
Kápa bókar Kristmundar Bjarnasonar: Í barnsminni

Útgáfuhóf í Safnahúsi Skagfirðinga

Þann 10. janúar 2019 eru 100 ár liðin frá fæðingu Kristmundar Bjarnasonar rithöfundar og fræðimanns á Sjávarborg. Hann dvelur nú, og hefur gert síðustu árin, á Dvalarheimilinu á Sauðárkróki. Kristmundur er heiðursfélagi Sögufélags Skagfirðinga og í tilefni þessara tímamóta gefur félagið úr bernskuminningar hans frá Mælifelli, þar sem hann ólst upp.
:: meira

Jólakveðjur

Sögufélag Skagfirðinga sendir félagsmönnum sínum og velunnurum óskir um gleðilega jólahátíð og farsæld á nýju ári. Með þökkum fyrir liðin ár.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga fyrir árið 2017 var haldinn í Safnahúsinu á Sauðárkróki 22. október s.l. Bókhaldari félagsins, Kári Sveinsson. Las reikninga og skýrði þá. Þar kom fram að rúmlega 1.250.000 króna tap hefði orðið á rekstrinum sem skýrðist fyrst og fremst af því að á árinu kom engin bók út á vegum félagsins.
:: meira

Aðalfundur Sögufélags Skagfirðinga

Aðalfundur Sögufélags Skagfirðinga verður haldinn í Safnahúsinu á Sauðárkróki mánudaginn 22. október kl 16.30.
:: meira