Nú er hægt að hlusta á upptöku frá útgáfuhófi Skagfirðingabókar 2020. Upptakan er aðgengileg á hlaðvarpssíðu Héraðsskjalasafns Skagfirðinga eða með því að þrýsta á hlekkinn hér fyrir neðan.

Í tilefni útkomu Skagfirðingbókar verður samkoma í Safnahúsinu á Sauðárkróki laugardaginn 3. október kl. 14.00. Þar verður bókin kynnt og höfð til sölu á kynningarverði.

Skagfirðingabók ársins 2020 kom úr prentun í byrjun apríl s.l. en vegna ástandsins í þjóðfélaginu var ákveðið að dreifa henni ekki fyrr en í haust, væntanlega í byrjun september, enda kemur ekki önnur bók frá félaginu á þessu ári.

Nú er unnið að ritun lokabindis Byggðasögu Skagafjarðar sem kemur út á næsta ári. Í því bindi verða leiðréttingar og viðbætur við bindi 1 til 9, ásamt öðru efni. Mjög mikilvægt er að allir sem komið hafa auga á villur í útkomnum Byggðasögum, komi til okkar athugasemdum. Best er að fá tölvupóst á netfangið saga@skagafjordur.is eða senda bréf á: Byggðasaga Skagafjarðar, Safnahúsi, 550 Sauðárkróki. Einnig má hringja í síma 4536261, eða koma við í Safnahúsinu milli 8:00 og 16:00. Hjalti Pálsson, ritstjóri.

Vegna afar vondrar veðurspár er fyrirhugaðri útgáfuhátíð 9. bindis Byggðasögu Skagafjarðar aflýst.

Útgáfuhátíð níunda bindis Byggðasögu Skagafjarðar verður að Ketilási í Fljótum kl. 20:00 þriðjudaginn 10. desember 2019.