Nú hefur verið opnaður aðgangur að rafrænni nafnaskrá Byggðasögu Skagfjarðar. Styðjið á viðkomandi hlekk. http://bssk.adlib.is

Föstudaginn 30. september n.k. verður veglegt málþing haldið að Hólum í Hjaltadal í tilefni af því að lokið er ritun Byggðasögu Skagafjarðar. Dagskrá málþingsins má sjá í meðfylgjandi mynd. Nauðsynlegt er að skrá sig til leiks á vef Háskólans á Hólum. www.holar.is

Lokaáfanga útgáfu Byggðasögu Skagafjarðar var fagnað í Höfðaborg á Hofsósi þann 11 apríl s.l. Lokabindið í þessu mikla verki fjallaði um Hofsós, Grafarós, Haganesvík og eyjarnar Drangey og Málmey.

Tíunda og síðasta bindi Byggðasögu Skagafjarðar kom út um mánaðamótin nóvember/desember 2021. Þar er fjallað um Hofsós og Hofsóshrepp, Grafarós, Drangey og Málmey auk Haganesvíkur og Haganesbæjanna. Sérstakt tilboðsverð er nú á öllum bindum Byggðasögunnar.

Aðalfundur Sögufélags Skagfirðinga fyrir árin 2019-2020 var haldinn í Safnahúsinu á Sauðárkróki fimmtudaginn 18. nóvember 2021 kl. 16.15. Hjalti Pálsson formaður félagsins setti fund, bauð gesti velkomna og gat þess að aðalfundur ársins 2019 hefði farist fyrir vegna covid-ástands haustið 2020. Í upphafi fundar minntist hann Kristmundar Bjarnasonar rithöfundar og heiðursfélaga frá árinu 2008 en Kristmundur lést þann 4. desember 2020 og vantaði þá rúman mánuð í að verða 101 árs.

Aðalfundur Sögufélags Skagfirðinga fyrir árin 2019 og 2020 verður haldinn í Safnahúsinu á Sauðárkróki, efri hæð, fimmtudaginn 18. nóvember 2021 kl. 16.15. Dagskrá: Minnst látins heiðursfélaga Skýrsla formanns Reikningar fyrir árin 2019 og 2020 Kosning í stjórn og varastjórn Staða félagsins Önnur mál Allir félagsmenn velkomnir og kaffisopi á könnunni. Stjórnin.